منتجات الميك آب للمبتدئه من الدرق ستور || مع ( صور المنتجات وأماكن بيعها ) ~

مساء | صبآح الخخير ♥

هاذي أول مدونه لي بالبلوق حقي واتمنى إني افيدكم قد ماأقدر ....

كثير جاني طلب بحسابي ع الانستقرام اسوي هالموضوع كثير محتاجينه وطلبوه مني وان شاء الله بحاول انزل كل الاشياء الي جربتها وتكون بـ اسعار متوسطه ماأنصح ابدا المبتدئين بالماركات الهاي اند يبدأون بالدرق ستور أول لحد مايتعلمون ويعرفون اش يناسبهم ( الدرق ستور : هو الميك اب الي يتوفر بعامه الاماكن وسعره متوسط إلى بسيط ويختلف بالجوده على حسب انتقائك للافضل ) اما ( الهاي اند : الميك اب إلي يكون من ماركات عالميه مثل : شانيل ، ماك ، ميك اب فور ايفر وغيرهم ....

هذي بـ اختصار الفرق بينهم .....

.

.

.

(1)

   

- البرايمر:

هالمنتج نحطه قبل الفاونديشن وبعد الكريم المرطب على حسب وظيفته وحاجه بشرتنا له منه : إلي يمنع لمعان البشره ومنه يعطي نظاره ولمعه للوجه ومنه يثبت الميك اب وغيره ....

أكثر برايمر أخذ ضجه من الدرق ستور بس ماجربته ومتحمسه أجربه هو :

هالبرايمر شفت كثير يوتيوبرز يمدحونهه ويستخدمونه وهو نوعين واحد للمظهر المطفي والثاني للديوي = الامع ..

أماكن الشراء : سنتر بوينت ، سيتي ماكس ، صيدليه بوتس 

وكمان هذا البرايمر ^ شفت عليه مدح من خبيرات تجميل كويتيات من فلورمار بس للأمانه ماجربته ...

اماكن الشراء : فلورمار محل بالمولات واوقات يجي كشكات بالنسبه للرياض ( رياض غاليري - النخيل مول - حياه مول ) اما باقي المدن ماأدري ...

(2)

- الفاونديشن :

هو كريم الاساس يستخدم للتغطيه ونوعين فل كفرج يستخدم للمناسبات او للبشره إلي تعاني من المشاكل 

ونوع خفيف تغطيته بسيطه كـ استخدام يومي او للدوام :

افضل انواع كريمات الاساس وجربته وجممممميل جدا ♥ هو :

فاونديشن هيلثي مكس جد من اسمه يعطي منظر هيلثي مره للبشره وتغطيته جميله ومايكتل ابدا 

تغطيته متوسطه إذا عندك مشاكل ببشرتك استخدمي كونسيلر عليها ( خافي عيوب ) ....

وفاونديشن فلورمار - لوريال ترو ماتش - ولوريال انفاليبل برضو عليهم مدح قوي ♥ ...

أما إلي حابه بيبي كريم او سي سي كريم  للدوام وتغطيته ججميله :

البيبي كريم والسي سي كريم ( مايختلفون حيل عن بعض بس الاهم انهم يجمعون الترطيب وواقي الشمس والتغطيه في منتج واحد ) :

بيبي كريم ميبلين - سي سي كريم بورجوا - بيبي كريم غارنييه اليمين للبشره الجافه للعاديه اليسار للبشره الدهنيه ♥ 
اماكن الشراء : ميبلين - بورجوا ( سنتر بوينت - سيتي ماكس - صيدليه بوتس )
غارنييه ( السوبر ماركت )

ملاحظه سريعه : كل وحده تسأل قبل تشتري إذا يناسب بشرتها او لا من ناحيه دهنيه او جافه 
وبرضو جربو الدرجات على وجهكم ولاتاخذون درجه افتح منكم لانها بتقلب على رمادي ...


(3)
- الكونسيلر :
هو خافي العيوب ويستعمل لاخفاء الهالات واثار الحبوب وغيره ...
افضل الانواع :

كونسيلر فت مي ميبلين - كونسيلر فلورمار - كونسيلر بورجوا هيلثي مكس 

اماكن الشراء : فلورمار من محلاتهم 

بورجوا - ميبلين ( سيتي ماكس - سنتر بوينت - صيدليه بوتس )

ملاحظه سريعه : ضروري ترطيب اسفل العين بمرطب خاص فيها قبل وضع الكونسيلر عشان مايخطط 

ثاني شي حاولو تدمجونه كويس عشان ماينزل بالخطوط وتثبتونه بالباودر 

وإلي عندها هالات غامقه تحط مصحح اورنج قبل الكونسيلر ...

(4)
- الباودر :
يستخدم لتثبيت الفاونديشن والكونسيلر ...
وأفضل الانواع بالنسبه لي :

باودر ستاي مات من ريميل - وباودر هيلثي مكس من بورجوا ...

ملاحظه عالسريع : الباودر للي بشرتها مختلطه تحطها ع التي زون 
والبشره الدهنيه تحطها ع كامل الوجهه
للمظهر المطفي وللتثبيت 
وانا افضل وتمام بالنسبه لي ويعطي منظر افضل للوجهه تكون الباودر اغمق من الفاونديشن بدرجه او درجتين ...

(5)
الهايلات والكونتور :
الهايلات هو الاضاءه والكونتور يستخدم لتحديد معالم الوجهه بشكل عام 
وطبعا كل وجهه وله التحديد الخاص فيه بالكونتور 
يستخدم الكونتور للاخفاء والهايلات للأبراز ...

افضل الانواع وسعرها كويس بالنسبه لي :

باليت الكونتور والهايلايت من سليك ♥ جججميل وسعره كوويس 
اماكن الشراء : صيدليه وايتس ...

(6)
- بيس الاي شادو :
يستخدم قبل الاي شادو = ظلال العين 
وظيفته يبرز لون الاي شادو اكثر 
ويساعده يبقى وقت اكثر ...

من افضل الأنواع :

من نيكس جججميل مره يوحد لون الجفن برضو انصحه فيه ...

اماكن الشراء : صيدليه بوتس - سنتر بوينت - سيتي ماكس

(7)

- الاي شادو = ظلال العيون :

فيه منها نوعين : مات = مطفي 

شيمري = لمعه 

أفضل الانواع :

باليت الايشادو من سليك - واي شادو نيكس 

اماكن الشراء : سليك ( صيدليه وايتس )

نيكس : سيتي ماكس - سنتر بوينت - صيدليه بوتس 

ملاحظه عالسريع : حاولو تبتعدو عن اظلال نيكس الي تكون باحجام كبيره وتكون طبقتين غالبا تجي جودتها سيئه ..

(8)
- الحواجب :

منتج الحواجب افضل الباودر اكثر من القلم لانه القلم يطيح شعر الحواجب مع الاستمرار

من افضل الانواع :

قلم الحواجب من ريميل - وباودر بودي شوب 

(9)

- اي براو = مسكرا الحواجب :

تستخدم بعد تعبئه الحاجب ترتب شعر الحاجب بشكل طبيعي وتثبت الشعر ...
الافضل :

من H&M ♥ 

اماكن الشراء : محلات اتش اند ام قسم المكياج ..

( 10 )
- بلاشر = احمر الخدود :
ينقسم نوعين فيه منه الكريمي وفيه منه الباودره 
افضل الأنواع :

من سليك - واتش اند ام - نيكس سواء الكريمي او الباودر ♥ 
اماكن الشراء : سليك ( صيدليه وايتس )
نيكس ( سنتر بوينت - سيتي ماكس - صيدليه بوتس )
اتش اند ام ( من محلاتهم ) ...

(11)
- البرونز :
يستخدم لتدفئه لون الوجهه او كبلاشر 
وافضل الانواع :

برونز فلورمار - واتش اند ام - بورجوا 
اماكن الشراء : فلورمار ( من محلاتهم )
اتش اند ام ( برضو من محلهم خخخ )
بورجوا : ( سنتر بوينت - سيتي ماكس - صيدليه بوتس 


( 12 )
- الليب لاينر = محددات الشفاه :
تستخدم للتحديد قبل الروج او كروج كامل مطفي لكامل الشفاه 
افضل الانواع :

محددات نيكس - ومحددات لوك ( look ) - محددات لورانس 
هالمحداات عشق ومجرتهم كلهم ججججميله ♥ 
اماكن الشراء : نيكس : سنتر بوينت - سيتي ماكس - صيدليه بوتس
لوك ( محلات الميك اب العاديه - طيبه بالرياض)
لورانس ( من محلات الميك اب العاديه - طيبه بالرياض )

( 13 ) 
- ليب ستيك = الارواج :
ومنها نوعين المطفي والكريمي 
وافضل الانواع :

ارواج فلورمار - ونيكس فيها منها نوع المطفيه تجي على شكل قلوس ولما تجف تصير مطفيه ( المفضله عندي ) - والنوع الثاني ارواج سواء كريمي او مطفي - وارواج ريميل كيت موس ....


( 14 )
- الكحل :
افضل الانواع :

كحل اسود من بورجوا وتر بروف - وكحل بيج من ماكس فاكتور 

اماكن الشراء : سنتر بوينت - سيتي ماكس 

(15 )

- الاي لاينر :

افضل الانواع :

ريميل - ريفلون كلر ستاي - ميبلين - لوريال 

ملاحظه عالسريع :

ايلاينر ريميل وريفلون ينفعون للمبتدئين لانهم سهلين بالرسم حيل وفرشتهم ثابته

بس يبيلهم اعاده ع الخط عشان يكون حيل اسود

اما ميبلين ولوريال أعجبني لوريال اكثر من ناحيه السواد والثبات ....


( 16 )
- الماسكرا :
افضل الماركات للمسكارا من وجهه نظري :

ميبلين - ماكس فاكتور - لوريال من افضل الماركات للمسكرا 

ملاحظه ع السريع : اختاري من هالماركات الي يناسب رموشك مو ضروري إلي يناسب غيرك وعليه مدح يناسبك الرموش تختلف فيه إلي تحتاج تطويل بس فيه إلي تحتاج تكثيف وفيه إلي تحتاج الاثنين 
إلي تحتاج الاثنين تاخذ مسكرتين وحده للتكثيف والثانيه للتطويل وتحطهم فوق بعض انا معتمده هالحركه وجميلهه ♥  ...


( 17 )
- وأخيرا فرش المكياج :
الافضل من وجهه نظري وبدون منازع من ناحيه سعرها والجوده :

تستاهل كل ريال ينحط فيها موب خساره ابدا ( شعرها ناعم - تتحمل الككرف من جد لها فتره طويله عندي وكأنها جديده - لما اغسلها ترجع مثل ماكانت مايخرب شكلها ) عمليه جدا جدا 
اماكن الشراء : صيدليه وايتس 
او من موقعهم الرسمي ...
.
.
.
.
.

وبكذا انكون خلصنا جد اخذ مني وقت ومجهود طويل عشان اكتبه واحاول اتذكر كل شي مر علي سواء جربته او شفته على احد او شفت عليه مدح قوي , وحاولت اني اكتب المصطلحات بالانجلش للتعليم مع ترجمتها لانه الاغلب يستخدمونها بالانجليزي ويسهل عليكم لما تسمعونها او تشترون ...

اتمنى يكون مرجع لأي وحده حابه تبدأ ومو عارفه ايش المفروض تاخذ واتمنى يفيدك ولو بشي بسيط ...
.
.
تابعوني على الانستقرام هنا
وشكرا احبكم يـ أفضل متابعين ♥ ♥ 

.

.